ભારતની સૌથી મોટી રિયલ્ટી સેક્ટરની કંપની ડીએલએફ લિમિટેડ વિન્ડ પાવર યુનિટનું વેચાણ કરવાનો પ્લાન ધરાવે છે. આ વિશેની દરખાસ્તને બોર્ડે ૩૦ મેએ મળેલી મીટિંગમાં મંજૂરી આપી દીધી છે. હવે પોસ્ટલ બેલટ દ્વારા શૅરહોલ્ડરોની મંજૂરી મેળવવાની છે. પોસ્ટલ બૅલટનું રિઝલ્ટ ૨૦ જુલાઈએ જાણવા મળશે.
વિન્ડ પાવર યુનિટના વેચાણ દ્વારા ૧૦૦૦ કરોડ રૂપિયા ઊભા કરવાનો અંદાજ છે. કંપનીએ ગુજરાતના કચ્છમાં ૧૫૦ મેગાવૉટ અને કર્ણાટકમાં ૧૧.૨૦ મેગાવૉટની ક્ષમતા ધરાવતા વિન્ડ પાવર પ્લાન્ટ્સની વીજળીના વેચાણ માટે ગુજરાત ઊર્જા વિકાસ નિગમ અને હુબલી ઇલેક્ટિÿસિટી સપ્લાય કંપની સાથે કરાર કરેલો છે.
કંપની વિન્ડ પાવર યુનિટના વેચાણમાંથી મળનારા પૈસાનો ઉપયોગ ડેટમાં ઘટાડો કરવા માટે કરશે. માર્ચ ૨૦૧૨ના અંતે કંપનીનું કુલ ડેટ ૨૨,૭૨૫ કરોડ રૂપિયા હતું.