Monday, 21 May 2018 | Login
રિલાયન્સ ઇન્ડસ્ટ્રીઝના ચોખ્ખા નફામાં ૨૧ ટકાનું ગાબડું

રિલાયન્સ ઇન્ડસ્ટ્રીઝના ચોખ્ખા નફામાં ૨૧ ટકાનું ગાબડું

મુકેશ અંબાણી જૂથની કંપની રિલાયન્સ ઇન્ડસ્ટ્રીઝનો જૂન ૨૦૧૨માં પૂરા થયેલા ફસ્ર્ટ ક્વૉર્ટરમાં ચોખ્ખો નફો ૨૧ ટકા ઘટીને ૪૪૭૩ કરોડ રૂપિયા થયો છે, જે આગલા વર્ષે આ સમયગાળામાં ૫૬૬૧ કરોડ રૂપિયા થયો હતો.

ઑપરેટિંગ નફો ૧૧,૦૦૫ કરોડ રૂપિયાથી ૨૧.૪૦ ટકા ઘટીને ૮૬૫૧ કરોડ રૂપિયા અને કરવેરા પહેલાંનો નફો ૭૨૬૪ કરોડ રૂપિયાથી ૨૫ ટકા ઘટીને ૫૪૩૩ કરોડ રૂપિયા થયો છે. ટર્નઓવર ૮૩,૬૮૯ કરોડ રૂપિયાથી ૧૩.૪૦ ટકા વધીને ૯૪,૯૨૬ કરોડ રૂપિયા થયું છે. શૅરદીઠ કમાણી ૧૭.૩૦ રૂપિયાથી ૨૦.૮૦ ટકા ઘટીને ૧૩.૭૦ રૂપિયા થઈ છે. નિકાસ ૬.૮૦ ટકા વધીને ૫૫,૨૬૧ કરોડ રૂપિયા થઈ છે. વ્યાજખર્ચ ૫૪૫ કરોડ રૂપિયાથી ૪૪ ટકા વધીને ૭૮૪ કરોડ રૂપિયા થયો છે. કંપનીનું ડેટ માર્ચ ૨૦૧૨ના અંતે ૬૮,૨૫૯ કરોડ રૂપિયા હતું એ જૂન ૨૦૧૨ના અંતે વધીને ૭૩,૨૧૩ કરોડ રૂપિયા થયું છે. જૂન ૨૦૧૨ના અંતે કૅશ સરપ્લસ ૭૦,૭૩૨ કરોડ રૂપિયા રહી છે. જૂનમાં પૂરા થયેલા ક્વૉર્ટરમાં કંપનીએ ૨,૮૫,૮૫,૦૬૧ ઇક્વિટી શૅર્સ બાયબૅક કર્યા છે. રીટેલ બિઝનેસનું ટર્નઓવર ૪૨ ટકા વધીને ૨૨૬૯ કરોડ રૂપિયા થયું છે.

000
Read 1413 times
Rate this item
(0 votes)

Leave a comment

Make sure you enter all the required information, indicated by an asterisk (*). HTML code is not allowed.

morpinch1