નવ જણની બનેલી એક બહોળી ફૅમિલીને કઈ રીતે સાચવવી એની ધારદાર રમૂજ સાથે રજૂઆત અને જેને ઇન્સિડન્ટ-પૅક્ડ કહી શકાય એવું નાટક ‘ફૅમિલી બેમિલી બમ બમ’ આજે રજૂ થઈ રહ્યું છે. ‘ફૂલમણિ’ અને ‘અપૂર્વ અવસર’ જેવાં જુદી તરેહનાં નાટકો આપનારા દિગ્દર્શક મનોજ શાહ દિગ્દર્શિત, જિતુ મહેતા લિખિત અને નિર્મિત તથા રાજેન્દ્ર બુટાલા પ્રસ્તુત આ નાટક ફુલ ફૅમિલી નાટક છે.

નાટક વિશે વાત કરતાં દિગ્દર્શક મનોજ શાહ કહે છે, ‘એક ફૅમિલીમાં નવ મેમ્બર છે અને એ દરેકની નવી વાતો છે. નાટકમાં વાતો તો એટલી બધી છે કે તમને લાગશે કે જાણે ટીવીની ૧૧૪ ચૅનલો સાથે જોઈ રહ્યા છો. નવી-નવી એટલી બધી ઘટનાઓ બને છે કે સતત તમારી સામે કંઈ ને કંઈ નવું બનતું રહેતું લાગશે. નાટકમાં જે પ્રેઝન્ટ થયું છે એમાં સતત નૉવેલ્ટી  છે.’

  
ફૅમિલીને કેવી રીતે સાચવવી એની વાત લઈને જમનાદાસ આવ્યા છે. આ પાત્ર જાણીતી ટીવી-સિરિયલ ‘નુક્કડ’ ફેમ ખોપડી એટલે કે સમીર ખખ્ખર ભજવશે. જીવનનાં મૂલ્યો અને ઇમોશન્સને મૂલવનારા જમનાદાસના પાત્ર વિશે સમીર ખખ્ખરનું કહેવું છે કે વાસ્તવિકતાની ધરતી પર રહીને ઉદારમતવાદી માઇન્ડસેટ ધરાવતું આ પાત્ર લોકોને જરૂર ગમશે. ટીવી-સિરિયલનો બીજો જાણીતો ચહેરો લોકપ્રિય ટીવી-સિરિયલ ‘હમારી દેવરાની’ની પારૂલ એટલે કે કલ્યાણી ઠાકર ચાર વર્ષ પછી આ નાટકમાં નર્મિળા રઘુવંશીના કૅરૅક્ટર સાથે રંગભૂમિ પર આવી રહી છે. મનોજ શાહ કહે છે કે ઘણા સમયથી હું વેકેશન પર નથી ગયો અને મારે જવું છે તેથી લોકો વેકેશન ભરપૂર માણી શકે એવું મનોરંજનથી ફાટ-ફાટ આ નાટક આપ્યું છે. 

આ બન્ને આમ તો મીડિયા સામે ખાસ દેખા દેતા નથી પણ અમને જાણવા મળ્યુ છે કે શમિતા શેટ્ટી અને હર્મન બાવેજા એકબીજાને ડેટ કરી રહ્યા છે.

શિલ્પા શેટ્ટીને પણ આ વાતની ખુશી છે કે શમિતા અને હર્મન સ્થિરતા સાથે એકબીજાની નિકટ આવી રહ્યા છે. બન્નેની નિકટના એક સૂત્રએ ખુલાસો કર્યો હતો કે, "તેઓએ હમણાં જ એકબીજાને ડેટ કરવાની શરૂઆત કરી છે...થોડા મહિના જ થયા છે. તેઓ એક વર્ષ પહેલા મળ્યા હતાં, જ્યારે હર્મનને શિલ્પા શેટ્ટીના હોમ પ્રોડક્શનની ફિલ્મમાં લેવાની વાત ચાલી રહી હતી. તે પછી તેઓ રાજસ્થાન રોયલ્સની ટીમની મેચમાં ઘણી વાર મળ્યા હતા. તેમના સંબંધો નવા નવા હોવાથી તેઓ જાહેરમાં આવીને તેના વિશે વાત કરવા નથી માંગતાં."

સૂત્રોએ જણાવ્યુ હતું કે મહિના પહેલા, જ્યારે શિલ્પાની ફિલ્મના શૂટિંગ દરમિયાન હર્મનના પગની ઘૂંટી મચકોડાઈ જતા શમિતા સતત તેની સાથે હતી અને તેની કાળજી લઈ રહી હતી. "જો શમિતા અને હર્મન એકબીજાને હંમેશા માટે પસંદ કરી લેશે તો શિલ્પા ઘણી રોમાંચિત થશે. હવે જ્યારે શિલ્પા પોતે પરણી ગઈ છે અને પોતાના પહેલા બાળકના આવવાની રાહ જોઈ રહી છે ત્યારે ઈચ્છે કે બહેન શમિતા પણ સેટલ થઈ જાય."

જ્યારે શમિતાને હર્મન વિશે પૂછવામાં આવ્યું ત્યારે તેણે સામાન્ય જવાબ આપ્યો હતો કે, "અમે ઘણા સારા મિત્રો છીએ. અમે અમારા કોમન ફ્રેન્ડ્સ સાથે મળીએ છીએ જેમાં શિલ્પા અને રાજ પણ હોય છે. જો કે, અમે એકબીજાને ડેટ નથી કરી રહ્યા." હર્મને પણ આ જ વાત કહી હતી કે, "શમિતા ઘણી સારી મિત્ર છે. રાજ અને હું ઘણી વાર સાથે બેસીને ગપ્પા મારીએ છીએ અને ઘણીવાર શમિતા પણ અમારી સાથે જોડાય છે. બસ આટલું જ."