Thursday, 29 September 2022 | Login
આરબીઆઇ નો બૅન્કો દ્વારા ગ્લોડ કૉઇનના વેચાણ પર પ્રતિબંધ મૂકવાનો પ્લાન

આરબીઆઇ નો બૅન્કો દ્વારા ગ્લોડ કૉઇનના વેચાણ પર પ્રતિબંધ મૂકવાનો પ્લાન

આગામી સમયમાં હવે ગ્રાહકો બૅન્કોમાંથી સોનાના સિક્કાની ખરીદી નહીં કરી શકે. આરબીઆઇ બૅન્કો દ્વારા ગ્લોડ કૉઇનના વેચાણ પર પ્રતિબંધ મૂકવાનો પ્લાન ધરાવે છે.

લગભગ બધી જ સરકારી તેમ જ પ્રાઇવેટ બૅન્કોમાં વિવિધ વજન ધરાવતા સોનાના સિક્કાનું વેચાણ સતત વધી રહ્યું છે એને કારણે સોનાની આયાત પણ વધી રહી છે. ગોલ્ડની આયાત વધવાથી કરન્ટ અકાઉન્ટની ડેફિસિટ વધી રહી છે તેમ જ રૂપિયાનું મૂલ્ય ઘટી રહ્યું છે જેની સીધી અસર અર્થતંત્ર પર પડે છે. બજારમાંથી પ્રાપ્ત માહિતી મુજબ આ કારણથી આરબીઆઇ હવે બૅન્કો દ્વારા ગોલ્ડ કૉઇનના વેચાણ પર પ્રતિબંધ મૂકવાનો પ્લાન ધરાવે છે.

અગાઉ બૅન્કોને સોનાના સિક્કાનું વેચાણ કરવાની પરમિશન નહોતી, પરંતુ ૨૦૦૭માં ભારતમાં મોટા પાયે ડૉલર્સ ઠલવાયા હતા એને કારણે રૂપિયાના મૂલ્યમાં નોંધપાત્ર વૃદ્ધિ થઈ હતી. એને નિયંત્રણમાં લેવા અને ડૉલરના પ્રવાહને અટકાવવા માટે આરબીઆઇએ બૅન્કોને સોનાના સિક્કાનું વેચાણ કરવાની મંજૂરી આપી હતી.

બૅન્કો દ્વારા ગોલ્ડ કૉઇનના વેચાણને સામાન્ય ગ્રાહકો તરફથી સારો પ્રતિસાદ મળ્યો હતો, કારણ કે સામાન્ય વ્યક્તિને યોગ્ય ભાવે કોઈ પણ જાતની છેતરપિંડી વગર સારી ગુણવત્તા ધરાવતા સોનાના સિક્કા સરળતાથી ઉપલબ્ધ થતા હતા. બૅન્કો ૨ ગ્રામથી માંડીને ૧૦ ગ્રામ અને એથી વધુ વજનના સિક્કાનું વેચાણ કરે છે એટલે ગ્રાહકને એના બજેટ મુજબ ખરીદીની સુવિધા મળતી હતી. આ ઉપરાંત બૅન્કોનું બ્રાન્ચ-નેટવર્ક સમગ્ર દેશમાં નાનાં શહેરો તેમ જ ગામડાંઓ સુધી ફેલાયેલું છે એટલે બધા ગ્રાહકો સોનાની ખરીદી કરી શકતા હતા.

000
Read 1993 times
Rate this item
(0 votes)

Leave a comment

Make sure you enter all the required information, indicated by an asterisk (*). HTML code is not allowed.

morpinch1