અઝલન શાહ કપ હોકીમાં ઉથપ્પાએ છેલ્લી મિનિટે ભારતને વિજય અપાવ્યો એસ. કે. ઉથપ્પાએ છેલ્લી મિનિટે ગોલ ફટકારતાં ભારતે અહીં રમાયેલી સુલતાન અઝલન શાહ કપ હોકી ટૂનૉમેન્ટની લીગ મેચમાં શુક્રવારે સાઉથ કોરિયા સામે ૨-૧થી રોમાંચક વિજય હાંસલ કર્યો હતો. મેચની છેલ્લી મિનિટ સુધી બંને ટીમ૧-૧ના સ્કોરથી બરાબરી પર હતી પરંતુ છેલ્લી મિનિટ બાકી રહી હતી ત્યારે તુષાર ખાંડેકરના ક્રોસથી પરાવતિgત થયેલો બોલ ઉથપ્પાએ ગોલમાં ફેરવી દીધો હતો. ટૂનૉમેન્ટની પ્રથમ મેચમાં ન્યૂઝીલેન્ડ સામે ૧-૫ની કારમી હાર બાદ ભારતે આ મેચ જીતીને ટૂનૉમેન્ટમાં ત્રણ પોઇન્ટ સાથે ત્રીજો ક્રમ હાંસલ કરી લીધો હતો. સંદીપસિંઘે ૧૧મી મિનિટે પેનલ્ટી કોર્નરને ગોલમાં ફેરવીને ભારતને ૧-૦ની સરસાઈ અપાવી હતી. ભારતે છેક સુધી આક્રમક રમત દાખવીને હરીફ ટીમને દબાણમાં રાખી હતી. જોકે ૬૬મી મિનિટે કોરિયન ખેલાડી નામ હ્યુન-વૂએ ગોલ નોંધાવીને સ્કોર સરભર કરી દીધો હતો. દરમિયાન ન્યૂઝીલેન્ડની ટીમે પોતાની વિજયકૂચ જાળવી રાખતાં શુક્રવારે રમાયેલી પ્રથમ મેચમાં આજેઁિન્ટનાને ૫-૨થી હરાવ્યું હતું. આજેઁન્ટિના તેની બંને મેચ હારી ગયું છે જ્યારે કિવિ ટીમે ગુરુવારે ભારતને હરાવ્યું હતું. અન્ય એક મેચમાં યજમાન મલેશિયા અને બ્રિટન ટકરાયા હતા જે મેચ ૩-૩થી ડ્રો રહી હતી.